Thingtlang khaw te tak te pakhat a awm kan ni a. Unau pali, hmeichhia pathum leh mipa pakhat kan ni a, kan upa ber chuan pasal nei tawhin an in dang tawh nghe nghe a. Chuan, kan upa ber dawttu chu lunglei ah school kalin a awm daih thung a. Ka nu leh pa ve thung hi chu an eizawnna thingtlang lo neih anih avangin ramah an riak deuh reng thung a. Ka u chiah mipa hian JCB a khalh avangin an hnathawhna hmunah rei tak tak te thangbo in ramhnuaiah an riah a ngai fo bawk si a. Kei school kal lai ka nih avangin inah keimah chauhin ka awm a ngai fo thin a. Chu chu ka tan vanduaina intanna chu a ni ta a ni.FAKNATE HI HMEH ZEUH RAWH AW
Ka u pasal hian keimah chauha in ka nghah chang hian min ngaihvenin kan inah zantin a rawn kal ziah thin a. Min ngaihven vang emaw tia ka chhungte leh keimah ngei pawhin ngaihthat nan leh thlamuanna atan ka lo hman thin chu... Min ngaihven ni lo in rilru tenawm tak puin min lo beisei reng zawk a ni lo si a. Mipa rilru hi a lo van hriat loh theih tak em!!
Ka nu te awm an riah bo laiin a dan ngai te bawkin kan inah a rawn kal leh a, dan pangai angin TV en pahin kan ti ti mai mai a, kei a naupang kum 13 mi lek chu TV en chung chuan thutthlengah chuan ka mu zal mai mai a, mipa laka in ven nang chang emaw invenna tumna rilru ang ka la pu lo hrim hrim, kum 13 mi lek hmeichhiat mipat nalam engmah hriat la nei ngai lo ka nih piah lamah kan lo inghahna kan makpa neih chhun bula awm ka ni miau a, ngaihthat lohna reng ka nei lo.
Thutthlengah chuan engtik laiin nge ka lo mutthilh tih reng reng ka hre lo, ka samah tham tu an awm avangin ka harh hlawl mai a, ka u pasal chu ka chungah a lo bawk reng tawh mai a.... Eng nge tih i tum ka tih chuan tumah hrilh suh tih pahin ka kap lam a zen ta nghal a, ka tangin ka tal ve nasa hle a, mahse mipa puitling chu kei hmeichhe naupang ve mai tan chuan hneh ngaihna a awm si lo...
Ka chhungte ka hrilh dawn' ka han ti leh ngawt a engahmah a ngai duh si lo a, min khawih zui lo turin ka ngen lawm lawm a, ka thusawi chu hria ang pawhin a lang duh lo, a thil tih tum chu hlawhtling ngai tumin a ti lui zel a. chuti mai chuan tlawm ka tum bik hauh lo tih a hriat chuan ka duh lo a nih chuan i u ka then nghal ang a ti a. A changin thahah te min vo thul. Min vo leh min thlem a inchhawk a ni ber mai. Kan tha a in that hleih si a, a tawpah chuan ka tang zo ta lo a....
A changin thahah te min vo thul. Min vo leh min thlem a inchhawk a ni ber mai. Kan tha a in that hleih si a, a tawpah chuan ka tang zo ta lo a.... a duh ang a tih zawh chuan in ha tha mawlh mawlh in a haw nghal a. Rilru leh taksa na avanga ka tap chu min ngaihsakna chhe te pawh a nei lo.
A haw hnu chuan a rawn let leh ang tih hlau in kawngkhar ka khal nghal vek a, he mi zanin rilru leh taksa na avangin ka tap tlaivar thak, Thawm awm hlekah a mah nih leh mai hlau in thla bar reng reng in hemi zan hi ka hmang tlaivar thak a ni, hlauhna in ka khat a, khatih laia ka thlabar zia kha sawi ngaihna pawh ka hre lo zawk, sawifiah theih pawh a ni kher lo ang.
Hlauh ang ngeiin a tuk zingah chuan a rawn kal leh a, mahse zingah hi chuan engtinmah min ti lo hlauh a, ka sawi chhuah mai a hlauh avanga rawn kal a ni a, a ngai te bawkin min rawn vo a, a bak chu ka chungah engmah a ti ta lo....
Mahse tlai school banah a rawn kal leh a, a rawn kal lai hian eirawng ka lo bawl mek a, ka bulah rawn kal in min vau na thu bawk chu a rawn chhakchhuak leh a. Min vau reng bawk si avang chuan tun tum chu tan pawh ka tang tawh lo, a duh ang ang chuan ka awm tawp tawh a ni ber mai....
Class 8 ka nih chhung zawng hi chu a thuhnuai ah ka awm a ni ber, a nawmchenna ka ni ber ang chu. Hetia min khawih reng leh vauna ka tawh reng avang hian ngaiah ka neih tawh bakah amah hlauhna pawh ka nei vak bik tawh lo a, ka rilru ti paukhauhin ka chhungte hnenah sawiah ka vau let ve thung a, min khawih a sim chiang kher mai... Mahse hmaraw dang a rawn nei veleh ta tlat mai.
Chu chu a tira ka sawi ka u lungleia awm ka sawi kha, a rawn haw lai a ni a, keimah ang a a khawih ve tur thu a sawi a, ka u lehzel a khawih chhiat ve ka phal loh avangin a lakah ka in pe leh ta nge nge a... Thil chi hrang hrangin min vau kual reng bawk nen chuta tang chuan a ngai te bawkin a thuhnuai ah ka kun leh ta ngar ngar a ni mai... Ka tan chuan nunhian awmzia pawh a nei tawh lo, tual chhuah ngaihna pawh ka hre tawh hek lo.
A hnu deuhah phei chuan rilru leh taksa hah avangin ka taksa lamin tlin lo in harsatna ka nei tan ta a. Hetia ka damloh lai hi chuan ka nu in min awmpui ta tawp a. Ka nu a awm velai hi ka tan chuan chawlh hahdamna hun a ni ber mai, ani pawh chuan engtinmah min ti ngam rih bik lo a, mahse tlema ka han that ve deuh hnu chuan lo lam hnaah an buai ve si a, ram lamah min riah san leh lo thei si lo.
Lo lama a liam rual chuan ani pawh chu a ngaite bawkin a rawn lawr leh ta sek mai a, ka dam leh dam loh lam pawh a ngaihtuah lo, min beisei reng tho a, a nawm chenna bak engmah ngaihtuah reng a nei si lo.
Ka nu ram lamah a riah leh dawn hian dam lo a in sawiselna neuh neuh ka neih avang hian ka u te chu an nupa in min rawn awmpui turin kan inah an rawn awm phei ve a. Ka u awmlai em chuan engmah ka chungah a thlen ka beisei loh teh lul nen, zanah ka u mutthilh laiin ka khum min rawn tawmpui ziah tho a nih chu.
Ka u lah chuan rinhlelh a hnekin ka damlo min rawn ngaihven emaw tiin ngaihtha takin a lo awm ve hmiah mai si a, zanah room ka kalh a pal ngai lo reng reng a, room ka kalh hlek chuan kalh turin min rawn au ziah thin, engmah a hre ve der si lo a, rilru chuan thinrim viau tih mah ila engmah sawi thei ka ni bawk si lo, tleirawl kum 13 mi lek tuar atan chuan a lutuk mah mah chu a ni.
Hetianga a thuhnuai ah awm a, a hmei ang deuh tho a min hman avang hian ka lakah a in ti thu em em a, thian ka kawm takngial pawh a phal lo a, a duh loh ang deuh ka awm chuan kawng chi hrang hrangin min vau zel si a, hrehawm thei tak a ni, Class 9 ka nih hian min khawih a bansan ka beisei avangin bialpa ang reng deuh ka nei ve ta ringawt a, chu chu a hriat rualin ban nghal turin min vau leh a, ani pawh chu ka thlah leh phah ringawt. Dik tak chuan mipa hi ka hlauhin ka hlau tawh a, ka hnaih duh lo hrim hrim zawk.
He tih hun Class 9 ka zir lai vel atang hian ngaihtuahna mak tak tak ka nei a, school kal loh phei chuan ka room-ah ka tawm tawp a ni mai, thian kawm chakna pawh ka nei lo a, kawm tum pawh ni ila kawm thei dinhmunah lah ka ding hek lo. Ka room chu ka u pasal nawmna chenna puk a ni ber tawh mai, aduh hun hunah rawn kalin a tisa chakna tenawm tak chu a rawn hrithla awl lo a, rilru hah nen chhungte bulah sawi chhuah rem bawk si lo, sawi chhuahna tur pawh nei bawk si lo chu, ngaihtuahna tha lo tak tak ka neih phah nasa a, ka zirna pawh in a tuar nasa reng bawk a...
Ka nundan nguai leh mak tak tak ka awm fo avangin ka chhungte mangang chuan Aizawl lamah min dah ta ngawt a, ka zalen tak avanga thawveng a, lawm hle tur ka nih laiin lawmna leh han thawhven tak huaina pawh chu ka nei chuang reng reng lo. Ka rilruah hian engmah a awm lo a ni ber mai. Ka ngaithuahna mak tak tak chuan min ti a a ni ber ang chu.
A tawpah phei chuan depression ka neih phah hial a. School pawh chu chhun zawm ta lo chuan kan khua ah ka haw leh ta ringawt a. Kan khua a ka haw leh chu a dan ngai te bawkin ka u pasal pawh a rawn lang leh nghal zat a, a hna ngai te bawk ti leh in min khawih chhunzawm leh char char chu a ni mai.
Ka haw atanga thla khat chhung chu min khawih zawm leh ta char char a, mahse ka taksa lamah insawiselna neuh neuh ka neih chhunzawm reng avangin ani pawh chuan min hne ve ta deuh nge min khawih chu a bansan ve ta rih a. Chuta tang chuan a reh hlen ve ta.
Ka chhungte mangang chuan Aizawl lamah min dah leh a, school pawh kal tawh chuang lo in inah ka awm tawp a. Ka cousin pakhat (ka nutei fanu) doctor in min enkawl ta char char a, hetih hunlai hian mumal reng ka nei tawh lo a, engtin nge ka awm pawh tun hnu hian hriat a lawi ka nei tawh lo reng reng, mi a ang mai ka ni ber a niang chu. A hnu ah ka dam leh hnu in ka awmdan an sawi atang chauhin engtin nge ka awm tih ka hre leh chauh zawk. A sawi dan chuan kum khat dawn chu min lo enkawl ngar ngar thin a, kan khua a haw leh tura ka chhungten min chah pawhin ka duh tawh lo.
Ka haw leh hmasak ber chu khatiang thil vel a thlen atanga kum 5 hnu ah daih a ni a, Vanneihthlak takin nge ka tih dawn ka kan khua a ka haw chuan ka u pasal chu a lo piangthar tawh a. Ngaihdam te pawh min dil nasa, a in chhir zia te a sawi a, engmah siam that theih a ni tawh lo a, ka tan pawh awmzia reng a neih tawh chuan si loh avangin ka ngaihdam thu chu ka hrilh ve satliah mai a.
Mahse, ka hlauna erawh chu a reh thei ngai chuang reng reng lo. mipa reng reng hi thian atan pawh ka siam thei ta ngai lo. Thian hrim hrim hi ka ngaina lo a, ka kawm ngai hek lo. Thiltih nikhua leh chhuah a ngaih changte, Kohhran thilah pawh ni khua te hi chuan thian chu han kawp ve bawk thin mah ila, ka kawp zui reng lem lo a, pawnlamah ngat phei chuan Kohhrana ka inhmanpui te bak tun thleng hian ka kawm ta ngai lo hrim hrim. Ka unau te bak hi thian atan ka kawm meuh lo chu a ni e.
(Min hrilh ang angin ka ziak a, a ziaktu ngaihdan leh duhdan engmah emaw tihdanglam engmah a awm lo, a sawitu nihna emaw awmna tilang thei thil erawh chu paih then a ni e)