Kum 8 ka nih lai khan ka Virgin tawhlo

Mite chuan an naupan lai an sawi a an hlim a nuam an tithin asin. Mahse kei erawh ka tah mittui titam tu anni vek si.

Hringnun hi alo van mak thin tak em.. Tunge ka nih a engge ka nih a naupang te ka nih lai atang khan minlo it em em hlawm le. Ti a ka in zawh rual a ka chhan na dawn thin chu. Ka van duai em ani tihhi ani. Mahse, Vanduai thlak tak in ka pa chuan min peihrei puilo khawp mai, kum 1 leh thla 2 ka nihhin min peihloh san ta a. Hun leh nite alo liam ve zel a. Kum tam aliam hnu chuan ka nu chuan hmel duhtu nei in luhkhung hial kan lo ni ta. Pa ka nei veleh ta. Min duat in min hmangaih em em a, ka van ngai thin tak em.

Chutia hun leh nite anlo ral ve zel tak ah chuan kum 8 kalo tling ve ta reng mai. Vawi 1 chu kan chhung te ti ila hla fe ami chu ani ve tawh. An in ah min hruai a. An in kawng a kan kallai chuan kawng thlang lam ah min kai thla ta deiha. Eng tinnge ka awm phei chu ka hre chiang tawhlo. Hla ve fe kan kal hnu chuan mutur in min ti a. Ka duhlo a haw ang ka ti chhen a. Chiang tak pawn ka hre tawhlo arei tawh em a ni. Inu te i hrilh chuan an hlap hrep ang che. A tih kha chu ka la hria. Chutilai hmun ah chuan. Ka hmangaih ka pasal tan a ka hlan vetur chu minlo lak sak ta anih kha. Ana ka ti a. Kal pawh ka kal hleitheilo. Ka nute kha hrilh ahnek in an hriat kha ka hlau em em kha ania. Tichuan min thlem vo titih in, Vawi eng emaw zah chu min mut pui ta.

Keini pawh ka pa a awm tak loh ah chuan kan chenna in ka pa hnathawh na quarter chu kan chhuah san a ngai ve ta. Kan khua Tachhip khaw chhung tho mahse, kan awm na atang a hlatak ah chuan in hmun kan nei a, tah chuan kan in sawn ta a. Ka pa chuan min duat In ka lehkha zir na kawng ah pawh. Thahnem min ngaihpui thin khawp mai. Kha tia kan in sawn ta deih kha. Ka him phah na tur anih ka ringa, ka lo lawm ve hle anih kha. Mahse maw, A ni lo. A la in tan dawn chauh. 

Kan thenawm te In lam ah hian thlengsilna leihkapui kan nei a. Kawng ân mai ah kan in chu a awm ani. Tun thleng maia, ka chhungten fiamthu thawh nan a an hman thin, ka naupan lai an sawi a an sawi hmaih ngailoh. Chu, Bawihi chu anaupan lai chuan len hi a heh a nia. A school bang te hi, a bag leh athawmhnaw leihkapui ah a vawm kai hmiah a, a leng deih zel min ti thin. Thinlung na tak chung in kalo nui lui ve thin a nih kha. A chhan an hre der silo.

A chhan chu maw. Kan thenawm tlangval khan ka school bang minlo chan thin vang ani. Tinge Ka van duai na kha a kal tluan em em le? Kha mihring tenawm tak khan min hmuh hma in hman hmawh tak in ka school bag leh thawmhnaw tekha. Ka theh kai tawp a in chhung pawh lut ngam lo in, kalna tur em em pawh hrelo in kalo vak vel mai mai thin anih kha. Ka thiam ang tawk kha chuan kalo in thiar fihlim ve asin. Mahse ka la nau pang em a. Ka la in veng thiam tak taklo a ni. Chu mihring ten awm a te in chu kan in thlen hma chiah hian a awm a. An in a lo in do thap hi chuan ngaih tha tak khan in ah ka haw in, in chhung pawh ka lut ve ngam anih kha. Mahse maw, khawi atang in nge alo chhuah ka hrelo. In chhung ka lut a ka in thlak lai tak te khan alo lut thin anih kha. Ka van haw tak em.

Chu mi hnu phei chuan keimah in in ah ka awm ngam tawh ngailo. Mahse maw, ka in veng hneh lo ani. Hun rei tak thlamuang tak a ka awm tawhloh na chu van neih thlak tak in kan pem san leh ta anih kha. Chuan maw, Ka sawi hmaih chu. Khatia, In ah pawh awm ngamloa ka vah vel na lam ah khan ekthing tho tawn chang ka la nei cheu a sin. Mahse ka sawi vek lo mai ang. Khaw dang ah kan pem ta, school te kal chhun zawm in ka ngaihtuah na te pawh an pangai chho ve viau tawh. Hun leh ni te an lo liam chho ve zel a.

Kum 12 hmel kalo hmu ve ta. Kan in bul lawk ah hian ka pi te an awm a. Kan in tlawh pawh reng thin. Zan 1 chu ka nu leh pa te mitthi ah kal an ngai ta tlat mai. Ka pi te in ah lehkha zir tur chuan min tir phei ta a. Kan leh kha zir lai chuan ka pute a chuan kuhva leh zial min va le iteh a tia. Kan in atang in dawr chu a hla lo kan in thenawm chiah a. Mahse. Kapi te in atang a kal chuan kan in kal pelh angai thung. Thimtham hnuai ah chuan ka va kal a. Ka let leh lam ah chuan. Kan in leh an in inkar ah chuan minlo chang anih chu. Awi ka duh tawhlo. Ka rilru hlauhthawn na akhat thin kha arawn chhuak leh. Ka van hlau tak em. Bengchheng miahlo tur in min tia. 

Thawm ka chhuah ngam lo a chhan chu ka hlau ani. Khami zan atang khan ka pute a chuan zan tin min tir ta a. Ka hreh thin lutuk chhuan lam siam a ka peihloh in kut minthlak thin. Ka nun kha avan hah tak em. Thian tha tia kohtur ka ngahlo khawp mai a chhan chu, Mi zinga awm kha nuam ka tilo. A chhan ka hrelo. Kalo upa ve zel a. Tleirawl ngaihzawng ka lo nei chho tan a. Keimah ah ngaihsam na alo piang tawh. Ka duh duh ka mutpui thin.

Ka bialpa leh bialpa lo pawh. Mahse, Nuam tihna ka nei ngailo. Sex ka hmang ngun tawh viau a. Reitak chhungkha, Nuam tihna ka nei ngailo. Ka nuleh pa te chuan, Tachhip atanga kan pem hma hret kum 1 ah khan fa duhawm tak mipa alo piang a. Tun ah chuan a lian tawh ngawt ang. Ka nu leh ka pa pawh chu an in then veleh a. A chhan paw, Fa an han neih hran hnu kha chuan a buaithlak ve ani chek ang chu. Ka pa lah kha, Fa tan tina chi alo ni a. A fapa atan lutuk na lam ah chhungkua kan keh leh ta. A van na thin vawng vawng tak em. Ka pa kha ka lak ah a sual ka hrengailo asin. Ka ngaithin lutuk mahse. A ni pawh, nupui nei in chhungkua an din tih bak ka hre lo.

Hun a lo liam ve zel a. Kum 15 ka lo nih ve tan tak ah chuan. Ka pa ka hriat hman hma a min boral san tu chu kan tan a hlu a ka ngai a ka mamawh ani tih ka in hrethiam chho ve tan ta. Ka ngaia hmuh ka chak thin. Pa ti nge khawvela ka awm ve chhung hian pa tia ka koh che a remloh. Ka van ngai tak che em. Vawi 1 tal hmuh che ka duh ani i rauthla tal rawn tir ta che, tiin zan tin ka lukham kha ahuh dup thin anih kha. Ka hmuh chak thin em avang in Pathian hnen ah pawh. Ka mumang ah tal hmutur in ka dil thin. Mahse, a remlo aniang nge ka hmuh ka hre lo, a tak a hmulo na na na chu. Hriat ngaihna a awmlo ani, vawi 1 mah ka la hmulo, chuan kum an lo liam ve zel a. Ka dam chhunga ka nuna ser reh tawhloh tur ka tette atanga ka lo tawrh tawh, mahse ka sawi chhuah ngailoh vanga la lang chhuak lo chu, a lo lang chhuak ta.

Pawngsual ka ni. Tun tum chu ka zep ruk ngai tawhlo in khawtlang mipui in min hriat sak ta. Thih kha tinge kalo thlan zawkloh ka ti fo thin mahse, Kala tuar chhuak thei zel chu anih hi. Kan chhungkua 3 chauh kan ni. Kanu hoa kan hmeithai lai ani. Ka nu kha ka khawngaih a. Ka zah em em bawk. Kan harsat teh reng nen khan eibar zawng tura chhuak tur in, chakna a nei loa. Zahna namenlo atawng ani. Pawi ka tilutuk. Nu, keimah vanga kha tia i awm kha ka duhloh vang in, hun khaleh chen kha keimahin kalo tuar tawh anih kha. Mahse tun ah chuan ka dang zo talo. 

Kei pawn school ka kal chhunzawm ngam loa. In ah kan tawm tawp a ni. A nu nen pawh kan in be lo khawp mai, a chhan chu ka in thlahrung ani. Mahse, nikhua alo rei a. Khawchhung ah pawh. Ka chan chin chuan zialam apan ve tawh a. Ka School kal vawi 1 na ah khan. Tap chung in ka tlan haw anih kha. Khata tang khan naupangte ni in lehkha pawh zir thei tawhloin ka bang ve ta a ni. Ka hriat chhuah chang apiang in ka mittui ka dang zo lo thin.

Ka hun tawn tawh te avang in keimah ah harsatna tam tak a awm a, chung te chu in hriat tho ka ring. Keimah a ka awm te hian chàk riau na te ka neithin a chang chuan keimah leh keimah ka in puitlin mai thin. Mahse, Insum ka tum na sa thin khawp mai. Keimah leh kei mah ka in huat ngawih ngawih chang hi atam ania aw....

Khaw hming leh mihring hming hi alem ania. A dang erawh keima tawn ngei. Awih awmloh khawp a rapthlak a ni. Thingtlang khaw 1 Mamit ah ka pianga. Tachhip khua Ah ka mur thung, kan tet te atang in Tachhip ah chuan kan chenga. Ka pa in hna chhete a neih ve vang a ni. Unau pianpui diktak 1 ka nei.